પદ ૮ રાગ રામગ્રી.
આજ મારાં નેણાંરે સફળ થયાં, નાથ જોયાં મેં નીરખી,
સુંદર વદન નિહાળતાં, મારા હૃદયમાં હરખી.— આજ. ૧
જે મારા મનમાં હતું તે વ્હાલાજીએ કીધું;
પ્રેમેથી પ્રભુજી પધાર્યા, આલિંગન દીધું.— આજ. ૨
જોગીરે જંગમરે સેવડા, તેના સ્વપ્નમાં ન આવે;
ભાગ ભલાં વ્રજનારનાં, હરિને લાડ લડાવે— આજ. ૩
ધન ધન ગોકુળ ગામડું ધન ધન વ્રજનો વાસ;
ધન ધન આ ભૂમિને, જ્યાં વ્હાલો રમિયા છે રાસ.— આજ. ૫
અંતરીક્ષથી દહુ દેવતા, ત્યાં જોવાને આવે;
થાળ ભર્યો સગ મોતિયે, નાગર નરસી વધાવે.— આજ. ૬